भारतको फेडरल सिस्टममा चल्ने राज्य र केन्द्र सरकारको गणतन्त्रको पवित्र भवन संसद र विधानसभा हो। यी दुवैको सदस्य जनताद्वारा निर्वाचित हुँदछन्। जनताको इच्छा आकांक्षालाई पूर्ण गर्न यी दुवै पवित्र भवनमा यी जनताका प्रतिनिधिहरूद्वारा माग राखिने गर्दछ र अन्तमा ती माग वा प्रस्तावको पारित त्यसै भवनमा हुँदछ अनि ती कानून बमोजिम कार्यरूपमा परिणत हुँदछ।
अब यसै सन्दर्भमा सिक्किमको नयाँ एस.के.एम सरकार चालित पहिलो बजट अधिवेशन यस जुलाई महिनामा भयो। तर दुर्भाग्य एस.डी.एफ.का दुइ विधायक छोड़ेर अन्य सम्पूर्ण विधायकहरूले विधानसभालाई बाइकट गर्नु भनेको गणतन्त्रको पवित्र भवन अनि जनताको आकांक्षाको अवहेलना गर्नु हो। जो सिक्किमको इतिहासमा एस.डी.एफ दलको सबैभन्दा ठूलो ऐतिहासिक भूल हो। प्रजातन्त्र राजमा जनताले जसलाई चुन्छ त्यही नै सत्ताको भागिदारी हुन्छ। यस दृष्टिकोणले हेर्दा जनताको जनादेशलाई स्वीकार्नु नै प्रजातान्त्रिक देश र राज्यको जन प्रतिनिधिले स्वकार्न सक्नुपर्दछ। एस.डी.एम.को चामलिङ सरकारले 5 पल्ट विधानसभा निर्वाचनमा विजय भएपछि सरकार चलाएका हुन अनि प्रत्येक पल्टको निर्वाचनमा हार खाएका विपक्षी दलहरूले गणतन्त्रको कदर गर्दै विधानसभामा जन प्रतिनिधिको रूपमा आफ्नो माग राख्दै आएका हुन् अनि कहिल्यै पनि विधानसभालाई बाइकट गरेका होइनन्। तर चामलिङ स्वयं पनि यस सभामा उपस्थित भएनन्। उनकै सत्ताको भोगलाई जनताले नस्वीकारे पनि त्यहाँ उनकै राज हुनुपर्छ भनेजस्तै गोले सरकारलाई स्वकार्न सकेका छैनन्। उनको तर्कअनुसार गोले डिफेन्डर भएर पनि कसरी मुख्यमन्त्री भए भन्ने छ। यो उनको तर्क ठिकै हो, तर यसको सही गलत त कानूनले हेर्छ त्यसैले प्रजातन्त्रमा अन्तिम फेसला कानूनको हुन्छ। यसैले उनको विधानसभा बाइकटले एस.के.एम. लाई केही फरक परेन उल्टो बजट बील पास गर्न सजिलो भयो। यस दृष्टिकोणले हेर्दा चामलिङको सत्ता भोगको लालचले गर्दा मूर्खतापूर्ण कार्यले उनकै दुइ विधायक उनीबाट टाड़िन पुगे। यस्ता अझै गल्ती गर्न गए भोली चामलिङलाई निकै साह्रो पर्न सक्छ।
